123/2025-2026

Champhai, 10th April 2026 : Champhai South bialtu MLA Lt. Col. Clement Lalhmingthanga chuan Agricultural Technology Management Agency (ATMA) Champhai District tanpuinain vawiin khan fur thlai chi a sem a, semna hun hi chawhnu dar 2:00 khan Circuit House, Champhaiah neih niin MLA chu khuallian a ni.

Khuallian Lt. Col. Clement Lalhmingthanga chuan thu sawiin a bial chhungah thlasik thlai hlawhtling taka kalpui a nih tawh hnu in ATMA te nen tangkawpin Fur thlai chi sem leh ni se tih a ni a. Thlai chi an sem chu a chi ṭha a nih thu sawiin loneituten theitawp chhuaha hlawhtlinna en tlak ngei a thawk tura chahin theihtawpa a vil zui tur thu a sawi. He hunah hian vaimim, zikhlum leh tomato chi tha Farmers 300 chuang hnena sem a ni.

He inkhawmah hian Dr. R. Zosangkima BLOCK Technology Manager ATMA Champhai chuan technical report pein ATMA chu loneitute tan an awm reng dawn thu a sawia, lawmthu sawina hun neiin inkhawm tih tawp a ni.