124/2025-2026

Aizawl, the 10th April, 2026 :   Lunglei leh Buarpui inkar kawng Upgradation & Maintenance of Lunglei - Kawlhawk - Buarpui road, (0/00-66/500 km)' hi kawng pawimawh tak a nih avangin Mizoram State Project Monitoring Committee (MSPMC) pawhin a ngai pawimawh hle a. Specification tling ngeia thawh a nih theih nan a hmunah kalin a lo tlawh tawh nghe nghe a. Project hi a hlawhtlin ngei theih nan MSPMC chuan rawtna te pawh MPWD ah thlen tawhin, contractor te pawh kovin a lo sawi pui tawh bawk a. Hna hi chik takin a vil zui reng bawk a ni.

Tahrik ni 8, Tau thla, 2026, 'Zonet JB Chanchinthar, Lunglei a puan chhuah:- Specification tling lova contractor - Inckah Infrastructure Technologies Pvt Ltd., New Delhi ten an thawh hai khawk leh veka, Mizoram State Project Monitoring Committee (MSPMC) te beisei leh duh dan ang ngeia thawk turin
MPWD, Lunglei Division ten hma an la tih MSPMC chuan a lo hria a. Hetianga Mizoram PWD te hmalakna hi tha a tin lawmawm a ti hle a. Hna hi quality tha leh kut tling ngeia thawh zawh a duh hle bawk a ni.

A tawp thlenga specification tling ngeia hna hi thawh zawh a nih theih nan MSPMC chuan kan vil zui zel dawn a ni.