2284/2024-2025

Champhai, 28th September 2024: Mizoram State Sawrkar Notification No. B. 12021/10/2004-TRP Dt. 01.06.2020 leh Motor Vehicle Act 1988 (act 59 of 1988) Section 117 in thuneihna min pek angin Hnahsin Kut 2024 hman laiin mipui him zawk nan leh lirthei chet velna felfai zawk nan New Champhai chhungah Dt.03.10.2024(Ningani) atanga Dt.05.10.2024(Inrinni) hian motor park dan tur a hnuai a mi ang hian siam a ni.

1. Pu Thanthuama motor silna hmun, New Champhai atanga CK Enterprise building inkar kawngchhak lam kawngpui sir 130 metres a thui chu Med Aim dawrtute lirthei parking-na tibuai lovin kawngpui dungzui zawngin LMV chin leh a aia te a dah/hun(park) theih ang.

2. New Champhai atanga Zote road panna kawngchhak lam Pi Diki Store building kawt atanga Z&M Agencies building inkar 70 metres a thui chu kawngpui dungzui zawngin lirthei LMV chin leh a aia te a dah /hun(park) theih ang.

3. New Champhai kawn atanga New Champhai Presbyterian Biakin pan na kawng phei Pu Zodailova building kawt atanga Mahindra workshop inkar 70 metres a thui kawngpui sirah kawngpui dungzui zawngin lirthei LMV chin leh a aia te a dah/hun (park) theih ang.

Heng lirthei dahna hmun siamah te hian lirthei in dah/hun thuah (Double Parking) in tumahin lirthei an dah/hung tura ni lova, lirthei chetvelna leh kawngpui a ke a kal te tan harsatna an siam tur a ni lo.

He thupek hi Dt.03.10.2024 (Ningani) aṭanga hman ṭan tur a ni ang a, ṭul bik thilah chuan eng hunah pawh tih danglam theih a ni.

New Champhai parking-regd.pdf