400/2025-2026

Champhai, 30th April 2025: Vawiin khan Champhai Town Land Committee chu Bawrhsap Pu Mohammad Aaquib a kaihhruaiin DC Conference Hall-ah an ṭhukhawm. He hunah hian Champhai khawpui huam chhunga House Pass, Periodic Patta leh Land Lease dilna lut 177 te chu uluk taka ngaihtuahho a ni.

He hunah hian Pi Lalruatpuii Hnamte, Settlement Officer, Champhai Town Land Committee Member Secretary ni bawk chuan Land Committee chuan ram leilung fa chauhin ram an neih theih nan te, leilung leh ramngaw humhalh nan te, vantlang hmun pawimawh venhim zel anih theih nan te bakah ram neitu dik tak te dinhmun humhalh nan te mawhphurhna pawimawh tak an nei tih a sawi a. Vawiin ṭhutkhawmah hian Champhai khawpui veng 15 aṭangin dilna 177 ( House pass 170, Periodic Patta 4, Land Lease 3) a luh thu a tarlang bawk.

Land Revenue & Settlement Department zirchianna leh record neihte behchhana Champhai Town Land Committee-in ngun taka dilna lutte hi a ngaihtuah hnuah dilna 174 te chu chu pawm a ni a. Dilna dang 3 te erawh chu chhan hrang hrang avangin en ṭhat leh tura dah rih an ni thung.

Vawiin Champhai Town Land Committee thutkhawmah hian Line Department hotute, Village Council, Prominent Citizen leh Political Party aiawhte an tel a ni.