399/2025-2026

Champhai, 30th April 2025: Adviser to CM, Er. H. Ginzalala, Champhai North bialtu MLA ni bawk chuan vawiin khan Champhai Zote-a Swadesh Darshan Project hmalakna kalpuina tur hmunhma bakah Hmunhmelṭhaa ranchaw chinna leh dahṭhatna (silage) din tumna hmun te a tlawh.

He hunah hian Adviser to CM hi Champhai Bawrhsap Pu Mohammad Aaquib chuan a ṭawiawm a. Er. H. Ginzalala hi khawtlang hruaitu ten lo dawngsawngin, Tourism leh ran vulh kawnga hmalakna tur hrang hrang te an sawiho a. Sawrkar aṭanga hmasawnna hna thawhna tur sum lo kal te ṭangkai thei ang ber a hman kawngah an thawhpuina a ngen a ni.