Vawiin chawhma dar 10:30 khan Pu.T.T. Zothansanga, Parliamentary Secretary kaihhruainain Champhai Town Planning & Development committee vawi-5-na I & PR Conference Hall Champhai ah neih a ni a. Hetah hian Champhai Master Plan 2021 sawiho a ni.
Pu TT Zothansanga chuan thusawiin Champhai Master Plan 2021 chu kan tu leh fa te la chenna tur anih avangin hmanhmawh lova uluk tak leh fimkhur taka kan ngaihtuah a ngai a ni a ti a, beisei anga tam rawtna mipui hnen atanga an dawn tam loh thu leh tan lak angaih thu a sawi bawk. Town area huamchhunga V/C hrang hrangte chu an mahni veng chhung hrechiang tu ber an nih avangin uluk lehzuala zirchiang turin a ngen.
He committee ah hian Champhai Draft Master Plan a siamthat ngai lai te sawiho a ni a. He Plan hi Town & Country Planning Wing, UD&PA Department te buatsaih niin Pu Ralthuama Ralte Dy. Director, Town Planning leh a thawhpuite Aizawl atangin an kal a. Champhai Draft Master Plan hi a Soft copy leh hard copy-in Town Area chhunga V/C hrang hrangte leh Sub Hqrs YMA leh NGO hrang hrangte hnenah pek a ni anga, anni hian siamthat ngai lai an tih te an thehlut anga, chu chu Committee leh ah approve turin an thlirho leh dawn a ni.
He Master Plan hi pawm anih hnuah state sawrkar ah approve tura thehluh tur a ni tawh ang a. Sawrkar in a approve hnu ah chuan he Plan ang hian Champhai khawchhung hmasawnna leh Plan mumal zawka kalpui tawh tur a ni ang.
