3552/2023/2024

Champhai the 30th January, 2024 - Nimin khan Zion Veng Village Council Bye election neih tur chungchangah DC's Conference Hall, Keifangtlangah meeting neih a ni.

Pu James Lalrinchhanan meeting a kaihruai a, member te inhmelhriatirna hun a hawng a, Ni 30.01.2024 (Tuesday) a By-Election neih chhan te leh neih tlai chhan te a sawi fiah hnu in Pu Lalhriatrenga Khiangte, Election Branch chu technical report leh Inthlan tur a tana hriat tur pawihmawh te sawifiah turin a sawm a, a ni hian hun a hman zawh hnu in Pu M.Misael, Addl. DC chuan meeting neih chhan te leh ballot paper a vote chhut dan tur te a sawi fiah a. Addl Sp Pu Lalmalsawma Hnamte in law and order chungchang a sawi leh a, security chu in thlang tura an in peih fel vek tawh thu a sawi a ni. Dr. Vanlalnunpuii Ralte in MCC chungchang leh State Election Commission thuchhuah pawimawh chi hrang hrang te inhrilh thar lehna hun a nei bawk a ni.

Chairman chuan YMA, MHIP leh MPF te chu Inthlan ni a a tul leh mamawhna a piang a thawhpui atan a sawm thar leh a. Inthlanna muanawm tak nei turin leh inthlanna thianghlim leh felfai a awm theih nan political party aiawh lo kalkhawm zawng zawng te thawhhona tha nei turin a sawm leh bawk a ni. Zawhna leh chhana hun te hawn a ni a. Zawhna hrang2 te chhan a nih hnuin Chairman in lawmthu sawiin meeting a khar a ni.