No.2121/2021-2022
Aizawl, the 4th September, 2021: Champhai Zotlangah kaina chin hriat loh Covid-19 hri kai hmuh chhuah an awm a, Mizoram Sawrkar Health & Family Welfare Department-in June 6, 2020-a 'Containment & Surveillance Plan on Covid-19 for Mizoram' a tih chhuah, para 4 tlawhchhanin helai bawr hi hri inkaidarh zel theihna hmun ralti, mumal leh chak taka hnuchhui hna (Contact tracing) kalpui ngaihna hmun ni a hriat a ni.
Covid-19 hri leng darh zel tur chak zawka khuahkhirh a nih theih nan Pi Maria C.T Zuali District Magistrate, Champhai District chuan 'The Mizoram Epidemic Diseases (COVID-19) Regulations, 2020' Section 11 in thuneihna a pek tlawhchhanin Champhai Zotlang Veng pumpui chu hmun khuahkhirh bik (Restricted area) ah September ni 3, 2021 zan khan a puang.
Hmun khuahkhirh bik chhungah hian Magistrate, Medical Duty leh VLTF duty-te phalna lovin tu mah luh leh chhuah phal a ni lo a. Zotlang Veng pal tlang turte chu ding khawmuang lovin an kal tlang nghal zel tur a ni ang. He inkhuahkhirhna hian Executive Magistrate, Police, Health & Family Welfare, Fire & Emergency lama hnathawktute leh District Magistrate-in a bik taka phalna a pekte erawh a huam lo ang.
Thupek bawhchhia man an awm a nih chuan 'The Mizoram Epidemic Diseases (Covid-19) Regulations 2020' Section 13 leh Indian Penal Code (IPC) Section 188 hmanga hrem theih an ni ang.
Hei hian thupek chhuah a nih atanga hnu chhuina (contact tracing) kalpui ngaih hun chhung a huam ang a, a tul anga pawhsei theih a ni bawk ang.
