1566/2025-2026

Champhai, dated 24th September 2025: Vawiin khan Adi Karmayogi Abhiyan, kalpui dan tur Champhai Bawrhsap Pu Mohammad Aaquib hovin DC Conference Hall, Keifangtlangah relin an thukhawm.

Thutkhawmah hian Adi Karmayogi Abhiyan kalpui dan tur leh hmachhawp hrang hrang te sawi ho a ni a, RD Block pahnih Champhai RD Block leh Khawbung RD huamchhunga khaw sawmthum thlan chhuahah te kalpui tur a ni a, Pilot Village atan Dilkawn thlan a ni a, September ni 26, 2025 ah Dilkawn khuaah Block Master Trainer ten 'One Day Orientation' an nei ang a, September ni 29-ah Transact work neih leh tur niin Village mapping leh Dilkawn khaw dinhmun zirchianna an nei dawn a ni.

Adi Karmayogi Abhiyan hi India ram, ram intodelh "Developed Country" Vikshit Bharat ni tura hma lak chhoh mekah ram pum huapa hmasawnna kawng hrang hrang, a bulthum atanga chawi kang chho tura beihpui thlakna tura ruahhman a ni.

Vawiin thutkhawmah hian Addl. DC, SDO(Sadar), District Master Trainers, Block Master Trainers, VCP, Dilkawn leh President YMA, Dilkawn te an tel a ni.