2474/2025-2026

Champhai, dated 17th September 2025: Vawiin khan rorelna leh inrelbawlna tha zawk inzirtirna atana duan, Adi Karmayogi Abhiyan pualin Circuit House Conference Hall-ah ni thum (17-19 September) awh tur District Process Lab (DPL) training huaihawt a ni a, Champhai Bawrhsap Pu Mohammad Aaquib chu khuallian niin khuhhawnna hun a hmang.

Khuallian Mohammad Aaquib chuan PM DAJGUA campaign Champhaia lo kalpui tawh hlawhtlin zelna atan he training hi hmun harsa zawk te tanpui turin a pawimawh em em a, training kal te tha taka ngaithla a tam thei ang ber zirchhuak turin a sawm a, PM DAJGUA atan chauh ni loin kawng hrang hrangah a pui dawn a ni tih a sawi. District Master Trainer te pawh tha taka zirtirna kalpui turin a sawm a, he training ni thum awh tur hian a training kal te bakah mipui te a tanpui ngei theih nan duhsakna a hlan a ni.

He training-ah hi District Master Trainer te'n Block Master Trainer te an zirtir ang a, Block Master Trainer te hian an block-ah hetiang training hi an buatsaih ve dawn a ni. Block Master Trainer hi Champhai RD Block leh Khawbung RD Block atangin mi 6 theuh an kal a ni. SDO (Sadar) Pu Chandrakant Bagoria chuan lawmthu sawinain hawnna hun hi a khar a ni.

Adi Karmayogi Abhiyan hi Village Council leh Block level-a inrelbawlna tha zawk a awm theih nana duan a ni a, tribal a tinzawn bik a ni. Ministry of Tribal Affairs hmalakna a ni a, rorelna tha zawk kalpui dan tur inzirtir a ni ang a, khawtlang hruaitute leh mipuite nen thawhhona tha siam tum bawk a ni.