Mizoram Legislative Assembly 2018 inthlanna tura inpuahchahna kalzelah ni 8.10.2018 chawhnu dar 3 khan DC Conference Hall, Champhaiah Political Party hrang hrang aiawh leh RO, ARO te pualin inzirtirna hun Dr. Naveen Aggarwal, District Election Officer (DEO) Champhai hova neih a ni. 

He hunah hian inthlan kaihhnawih Topic hrang hrangah zirtirna neih a ni a. Pi Ethel Rothangpuii, Nodal Officer, Election Expenditure Monitoring Committee (EMC) in inthlan vuakveta sum leh pai hman phal chin leh hman phalna te a sawifiah a. Pu K. Vanlalthiana, Nodal Officer, Model Code of Conduct (MCC) in MCC hrilhfiahna leh a huam chinte a sawi zau a, Champhai District mipuite Model Code of Conduct zawma inthlanna felfai tak nei turin duhsakna a hlan a. Pu Lalremruata Kullai, Election Officer, Champhaiin MCC chhunga complain awmte thehluh dan, nomination file dan leh Public meeting nei tura dilna siam dante a sawifiah a. He hunah hian Election Expenditure rate bituk chungchang sawi hova bithliah siam niin pawm nghal a ni. 

Meeting-ah hian Pu Lalthiamsanga Sailo, SP Champhai, Election Nodal Officer-te leh District chhunga Assembly Constituency hrang hrang atangin Political Party aiawhte an tel a ni.