195/2026-2027

Champhai, dated 17th April, 2026 : Vawiin khan Champhaiah Agricultural Technology Management Agency (ATMA), Champhai District leh District Fishery Development Office tangkawp chuan Champhai Vengsang-a District Agriculture Conference Hall-ah sangha khawitu te tan tunlai thiamna hmang Sangha khawi dan zirtirna an buatsaih a ni.

He hun hi Dr. R. Zosangkima, Block Technology Manager (ATMA) chuan kaihruaiin, Pi Lalremsangpuii, District Fishery Development Officer chuan "Efficient Fish Farming with Biofloc: Training for Modern Intensive Aquaculture System" tih thupui hmangin sangha vulh dan thiamna thar leh changkang zawk chungchang a zirtir a ni. Chawhma lamah theory an zir a, chawhnu lamah Pu J. Lalbiakthanga sangha dil, Zotlang-ah practical training an neih chhunzawm a ni.

Vawiin Sangha khawi training-ah hian sangha khawitu mi 20 kalin he training hi eizawnna atana hlawk thlak leh tangkai an tih thu an sawi a ni.