607/2025-2026

Champhai, 15th May 2025: Nizan (14.05.2025) dar 09:00 khan Champhai khawpuiah rikrum thila Champhai khawpui leh a mi chengte him zawk nan Blackout Mock Drill neih a ni a. He hun hian zan dar 09:05 thleng awhin, minute 5 chhung eng tih thim vek a ni.

Blackout Mock Drill hi veng tina tlangau (information centre) aṭangin Siren tihrik a nih hnuah Power supply tihtawp in a chhunzawm a, hei bakah hian inverter, battery back up chi reng reng leh solar te theih chin chinah tihthim a ni a. Motor tlan lai te pawh an awm hmunah dingin, engine leh an eng chhit te an tithi rih a ni.

Champhai Bawrhsap, District Disaster Management Authority Chairman ni bawk Pu Mohammad Aaquib chuan Champhai mipuite thawhpuinaah lawm thu sawiin, an zarah Blackout hlawhtling taka kalpui theih a ni, a ti a. Hei bakah hian sawrkar department, Village Council, tlawmngai pawl leh tha thawhtu zawng zawng te chungah lawmthu a sawi bawk a ni.