3514/2023-2024

Champhai the 25th January, 2024 – Vawiin hi India ram pum huapa Tourism puala Ni National Tourism Day a ni a. Hemi Ni pual hian vawiin khan Tourism Department, DMC Swadesh Darshan 2.0, Champhai leh Yuva Tourism Club, Government Champhai College te tangkawp buatsaihin Cleanliness Drive neih a ni a. He Cleanliness Drive-ah hian Government Champhai College zirlaiten Chhangphut Field leh a chhehvel te a thian fai a ni.

Sawrkar Laipui Ministry of Tourism hnuaia Swadesh Darshan 2.0 Scheme kaltlangin Mizorama Tourism lama hmalakna turin Aizawl leh Champhai te thlan fel tawh an ni a. He project kalpui chhung hian Champhai District-ah cheng nuai 9000 kaltlanga hmalak tum niin, tun dinhmunah Tlangsam, Zotlang, Keilungliah, Vangchhia, Farkawn leh Dungtlang ah te hmalak tum a ni a.

Swadesh Darshan 2.0 hnuaiah hian Tourism pawimawhna leh Environment ti chhe lo zawnga Tourism kalpui zel dan tur inzirtirna leh training program neih chhoh mek zel a ni a. Zirlaite leh tourism kaihhnawih thawktute – hotel leh restaurant neitute leh thawktute, autorickshaw leh taxi khalhtute leh car rental neitute tan training hi neih chhoh zel tum a ni a. Faina leh thianghlimna kawngah pawh hmalak chhoh zel tum niin, Cleanliness Drive hi neih chhunzawm zel a ni dawn a ni.