3515/2023-2024

Dated Aizawl, the 25th January, 2024: Vawiin khan Chief Minister Pu Lalduhoma chuan a pisaah Mizoram Quarry Association hruaitute a kawm a. An harsatna te a ngaihthlaksak.

Chief Minister hian, an harsatna sawite chu chipchiar taka ziakin a hnena thehlut turin a chah a. Licensing chungchanga harsatna an tawh thin hun duh rei lutuk thin chu; anni mai ni lo midangte pawhin licensing rei hi an tuar tih sawrkarin a hriatpui thu sawiin, hemi kawnga harsatna sukiang tur hian sawrkarin single window clearance system kalpui dan a dap mek tih a hrilh a ni.

Quarry Association hruaitute hian, dan ang thlapa Quarry kalpuitute an nih avangin chhiah pawh sawrkarah an pe tha thin a. Kum khat chunga sawrkara chhiah kan pek hi a tam tham hle thin. Mahse dan lova quarry siamten chung chhiah chu chawi lovin thil an kalpuia, dan anga kalpuituten kan tuar nasa em em a ni, tiin dan anga quarry neite chauhvin lung an lak theih nan hma laksak turin an dil a. Quarry leh Explosive License chungchanga harsatna an neih te pawh an thlen a ni.