3516/2023-2024

Aizawl, the 25^th January 2024: A hnuaia tarlan ang hian Aizawl hmun pawimawh laiah  Aizawl District Bawrhsap Pi Nazuk Kumar,  District Magistrate, Aizawl District chuan Republic Day ( January 26, 2024) hian Drone lam chi reng reng khalh/thlawhtir a khap.

India ram Republic Day 2024 chu Mizorama a lawmna pui ber, Lammual (AR Ground), Aizawl a neih a lo ni leh dawn a. Sawrkar mi pawimawh kalkhawmna tur Lammual (AR Ground), Raj Bhavan leh Chief Minister Bungalow ah te venhimna tha taka kalpui a nih theihna turin Section 144, Cr.P.C, 1973 (Act II of 1974) tlawhchhanin  heng hmun thum (3) - Lammual (AR Ground) chungah, Raj Bhavan compound chungah leh Chief Minister Bungalow chungah te Remote Control hmang Drone/Aerial Camera leh hetiang lam chi reng reng Dt. 26^th January, 2024 thlawh tir khap a ni.

He thupek bawhchhia an awm a nih chuan an Drone/Aerial Camera te man/kahthlak sak a ni ang a, an chungah dan angin hremna lek a ni ang.

Amaherawhchu he thupek hian Sorkar-a Competent Authority in hetiang ti tura phalna bik a pek te erawh a huam lovang.