4843/2025-2026

Champhai, dated 16th March 2026: Vawiin khan Thangtea Hall, Champhai Kahrawtah Chief Minister's Special Package Phase II chu Champhai Bawrhsap Pu Mohammad Aaquib chuan a sem chhuak a ni.

Bawrhsap Pu Mohammad Aaquib chuan he hamthatna hlu tak dawngtute a lawmpui thu a sawi a, an thil dawn atang hian eizawnna mumal leh awmze nei tak siam chhuak turin a chah a, department hotute pawhin theihtawp chhuaha an mamawhnaa tanpui zel turin a fuih bawk a ni.

He hun hi hun hnihah then niin hun khatna hi Champhai District A.H & Vety. Officer Dr. Lalbiakzuala Sailo chuan a kaihruai a, District Commerce & Industries Officer Pu Vanlalpara'n Handholding Scheme chungchang tlangpui a sawi a, SBI Lead District Manager Pu Lawmkima chuan Technical Training & Financial Literacy chungchang sawiin SDO (Sadar) Dr. Peter Malsawmtluanga'n fuihna thu a sawi a ni.

Hun hnihna hi SDO (Sadar) Dr. Peter Malsawmtluanga'n kaihruaiin Bana Kaih District Monitoring Commitee Member Secretary a nihna angin technical report a pe nghal a, progress partner te nen inkawmna hun hman a ni bawk a, SDC Pu Lalchhuanawma Ralte chuan lawmthu sawiin hun a khar a ni.

CM Special Pakage thawhhnihna hi mi 178 te hnena pek niin Agriculture Department atangin mi 7, Commerce & Industries atangin mi 34, A.H & Vety. Department atangain mi 101, Horticulture Department atangin mi 29, Fisheries Department atangin mi 6 leh Sericulture Department atangin mi 1 Progress Partner te hnena sum pek chhuah zawng zawng hi cheng 89,00,000 (₹89 lakhs) a ni.