4842/2025-2026

Dated : Mamit the 16th of March, 2026 : Vawiin khan DC Conference Hall, Mamit-ah Pi Carolyn L.B. Khiangte, Deputy Commissioner kaihhruainain District Level Workshop on Handholding Scheme hun hman a ni a. Mizoram State Policy Coordination Committee atangin Pu Neng Thianlala, Dy. CEO Implementation of Handholding Policy leh member dang te'n an telpui.

Pi Carolyn L. B Khiangte chuan Mizoram Sawrkar flagship programme-handholding scheme chu mimal emaw pawl emawin hmasawnna kawng an zawh theihna tur scheme a nih angin tangkai taka kan hman a duh thu sawiin, Line Department te chu Loan leh Special package dil tute endik mai niloin dil thei awm leh eizawnna kawnga khaichhuah ngaite zawnchhuahna kawngah taimak kan chhuah lehzual a tul thu a sawi.

He hunah hian Pu Lalnunfela Chawngthu, SDO (S)/Member Secretary, District Monitoring Committee chuan Mamit District chhunga Bana kaih (handholding) policy hnuaia hmalakna kalpui tawh dan leh thlen chinte a tarlang a ni.

Pu Neng Thianlala, Dy. CEO pawhin Bana Kaih Handholding Policy-in a tum leh mi harsa leh khaichhuah ngaite tana tangkai zawka hman a nih theihna tura zauzawka mipuite'n an hriat theih dan tur te zirtirna leh sawizauna neiin Line Department te hmalakna leh tihturte a tarlang bawk.

Kalkhawmte atangin zawhna leh chhanna hun hman a nih bakah Bana kaih (Handholding) Policy dil dan,phase 1 hnuaia loan hlawhtlinpuitute leh CM special Package hmang tangkaitute hlim thla thlir hona neih a ni bawk.

He hunah hian Pu Thuam Zamung Tunglut, LDM, Mamit leh Pu JD Traite, Development Manager bakah Mizoram State Policy Coordination Committee members te atangin thusawi ngaihthlak a ni bawk.

Mamit District chhungah hian Handholding Scheme hnuaiah Line Department 16 kaltlangin Phase 1 dawngtu mi 130 an awm tawh a, tunah hian Phase II hnuaiah mi 162 endik an ni tawh a, hetah hian mi 5 approved tawh niin, a dang hi a tahtawla endik chhoh tur an ni.