4841/2025-2026

Champhai, dated 16th March 2026: Vawiin khan Champhai Bawrhsap Pu Mohammad Aaquib hovin DC Conference Hall, Keifangtlangah Mizoram Transformation Programme hnuaia Grievance Redressal Program siam dan tur chungchang sawihona neih a ni.

Meeting-ah hian Grievance Redressal Application chungchang sawiho a ni a, hei hian mipuiten sorkar office a kal ngai kher lova online-a harsatna an neih te an thlen theihna tur leh rang taka chinfel a nih theihna tur atana ruahman a ni a, a kalpui dan, a hnathawh dan te sawiho a ni a. He application kaltlanga complaint dawnte chu a hun taka chinfel a nih theih nan a kaihhnawih department te'n rang taka hma an lak dan turte sawi ho a nih bakah member kalkhawmte hian application hi tangkai zawk hman a nih theihna tur atan rawtnate an neih te sawiho a ni bawk.