2301/2026-2027

Champhai, the 22nd September, 2026: Vawiin hian Champhai-ah District Disaster Management Authority buatsaihin I&PR Auditorium-ah  chhiatrupna leh chetsualna hrang hrang thlen palh thulha inbuatsaihna leh mipuite sahimna tura hmalakna pawimawh tak Comprehensive Training on Disaster Management chu hlawhtling taka neih a ni. He training-ah hian chhiatrupna thleng thut thei laka inrinlawkna leh chhanhimna hna thawh dan chungchang zirtirna neih a ni.

He hunah hian mithiam leh tawnhriat ngah tak tak Master Trainers  Pu VL. Hruaimawia District Organiser, Pu Vanlalthlana, Pu Khupkhanliana, leh Pu Lalpanliana te chuan thupui pawimawh tak tak Mipui zinga inrinlawkna leh fimkhurna kalpui dan Awareness Campaign, chhiatna thleng thut thei leh a nghawng tihhniamna Disaster Risk Reduction, chhiatna thlenna hmuna hliam tuarte leh tangte chhanchhuah dan Search and Rescue Techniques, leh damdawi in thlen pui hmaa nunna chhanhim nana damdawi hmanga inenkawlna Basic First Aid Techniques te chiang takin an zirtir a ni.

Vawiin training-ah hian Village Disaster Management Committee (VDMC), Champhai RD Block te  telin Training an neih hmang hian VDMC te chuan an bial chhung mipuite hnenah chhiatrupna laka inrinlawkna leh hriatna zau zawk zirtirna an lo pek chhawn zel theihna tur leh chhiatna leh chetsualna a thlen thut pawha midangte nunna chhanhim nan

 khawtlang mipui ten awmze nei taka chet an lak theihna tura buatsaih a niin theory piah lamah practical training neih  a ni bawk.