No.5168/2020-2021 

Dated Champhai, the 17th September, 2020: Champhai District chhung khawi khuaah mah Vawk, vawksa leh vawksa atanga siam reng rengte lakluh leh phurhchhuah khap tlat a ni, tih thupek  Champhai District Magistrate Pi Maria C.T Zuali’n a lo siam tawh bawhzuiin, AH & Vety Department,  Champhai Police leh Environment, Forest & Climate Change Department-te tangkawp chuan vawiin khan North Diltlang khua atanga Champhai pana dan lova Vawk  pathum phurhte chu Ngur khaw daiah an man. 


Vawk neitu R.Lalhruaitluanga, Kum 36 S/o R.Lalengmawia, Champhai Vengthlang North, Vawk phurhna Bolero Pickup MZ 04-A 1406 leh Driver Lalrosanga, Kum 26 S/o Robula North Diltlangte chu man niin, Champhai Police Station-ah thubuai ziahluh a ni. Vawk pathum man takte hi talh rual thiau niin, a hlut zawng hi Rs 66,000/-  anga chhut a ni. 


AH & Vety thuneitute chuan August Ni 19, 2020 khan ramri kaltlanga lakluh Vawk no man rual  7 te Tlangsam daiah an lo man tawh bawk a, heng zinga 4 te chuan ran natna Porcine Reproductive & Respiratory Syndrome (PRRS) an vei tih hmuh chhuah niin,  Court Case kal lai mek a ni. 

Champhai District Magistrate Pi Maria C.T Zuali chuan  Vawk natna hlauhawm tak African Swine Fever (ASF) laka Champhai District him theihna turin ram dang leh state dang atanga Vawk, vawksa leh vawksa atanga siam reng rengte Champhai District-a lakluh khapna  thupek leh Champhai District chhung khawi khuaah mah Vawk, vawksa leh vawksa atanga siam reng rengte lakluh leh phurhchhuah khapna thupek a lo chhuah tawh a ni. 

 

Attachment

  • Loading attachment...