857/2025-2026

Champhai, the 12th June, 2025: Vawiin khan Champhai District Bawrhsap mawhphurhna la mektu Pu K Zorammuana, Addl. DC Champhai hovin DC Conference Hall, Keifangtlangah Dharti Aaba Janbhagidari Abhiyan Awareness & Benefit Saturation Camp, June ni 15 atanga 30, 2025 thleng awh tur hman dan tur rela thutkhawm a ni.

Thukhawm chuan Aaba Janbhagidari Abhiyan Awareness & Benefit Saturation Camp hi State dang rualin Champhai District-a RD Block pahnih, Champhai RD Block leh Khawbung RD Block-ahte thuang hniha inthenin neih ni se a ti a. Ruahman dan chuan June ni 16, 2025 atangin Champhai RD Block hnuaia khaw pariat (8) ahte camp neih tum niin, June ni 16-19 chhungin Mualkawi leh Kelkangah, June ni 20 -23 chhungin Melbuk leh Zokhawtharah, June ni 23- 25 chhungin Tualcheng leh Hnahlanah, June ni 26-28 chhungin Vapar leh Ngur-ahte camp neih tur a ni a. Khawbung RD Block hnuaia khaw pasarih (7) ah pawh kalpui tum niin, June ni 16-19 chhungin Sazep leh Vangchhiaah, June ni 20-23 chhungin Vanzau leh Bungzungah, June ni 23-25 chhungin Samthang leh Vaphai te bakah June ni 26-28 chhungin Khawbungah Camp hi neih a ni bawk ang.

Dharti Aaba Abhiyan hi sorkar laipui hmalakna niin, awareness leh benefit saturation camp hmanga tribal community-te tihchakna tur a ni a. Janbhagidari Abhiyan Awareness & Benefit  Saturation Camp-ah hian caste certificate , Domicile, Aaadhar, NFSA Ration Card, Ayushman Bharat, PMMVY, TB Mukt Bharat, Nikshay Poshan, Mission Indradhanush, Jan Dhan Yojana, Mudra, Stand-Up India, PM Vishwakarma, Van Dhan Yojana, Kisan Credit Card, PM KISAN, Poshan Abhiyaan leh  MGNREGA chungchanga hriat duh leh tih tur tulte a hmunah a tih nghal theih a. Camp-ah hian ofice hrang hrang- DC, DCSO, CMO, Agriculture, Education leh RD te bakah bank te'n service an pek theih ang angte an pe dawn a ni.