2165/2026-2027

Dated Champhai the 10th September 2026: Vawiin khan DC Conference Hall, Keifangtlang-ah Champhai District AIDS Prevention and Control Committee (DAPCC) chu District Bawrhsap Pu Mohammad Aaquib kaihhruaina hnuaiah neih a ni a, district chhunga HIV dona leh invenna hmalakna tur hrang hrang hmachhawpte rualkhai taka bawhzui dan tur thlirho a ni.

Chairman Pu Mohammad Aaquib chuan thu sawiin, Champhai District-a HIV hluar zel tur veng tur leh invenna hmalakna hrang hrang te hlawhtling taka kalpui a nih theih nan Department hrang hrang, Tlawmngai Pawl (NGO) leh Khawtlang aiawhte tangruala thawhhona a pawimawh hle thu a sawi a. Mipui zawng zawngte hnenah HIV chungchang zirtirna a thleng thui thei ang ber leh rualkhai taka thlen thin a pawimawh thu sawiin, Committee thutlukna leh hmachhawpte chu tlin taka bawhzui turin kalkhawmte a chah.

Meeting-ah hian Dr. Lalramhluna, Member Secretary, DAPCC chuan report pein, khaw 25-a Intensified IEC Campaign leh Mass Screening neih tura ruahmanna siam zingah khaw 8-ah zawh fel a ni tawh a, mi 931 test-te zingah mi 1 positive hmuh a nih thu a sawi. Tin, Champhai Town-a Sawrkar Driver mi 18 test-te zingah positive hmuh chhuah an awm loh thu leh Middle School leh a chunglam zirlai te hnenah Mass Sensitization te, VC leh NGO-te nen Advocacy Meeting neih a nih tawh thu a tarlang a. District Hospital Champhai OPD-ah pawh nitin screening neih reng niin, HIV positive hmuh chhuahte tan enkawlna leh kaihhruaina pek thin a ni a ti.

Meeting ah hian hmalak chhunzawm dan tur leh hmachhawp hrang hrang te sawiho niin, zau zawk a  Campaign leh Mass Screening neih chhunzawm turin ruahhmanna  siam a ni bawk.