1877/2026-2027

Dated Champhai, the 20th August, 2026 : Vawiin khan DC Conference Hall Keifangtlangah, District Aids Prevention & Control Committee (DAPCC) chu Additional DC Pu Lalbiakfela hovin an ṭhukhawm a, Mobilisation for AIDS Suraksha (MAS) kalpui zel dan tur an sawi ho.

Ṭhutkhawmnaah hian District Aids Control Officer Dr. Lalramhluna’n member kalkhawmte chu HIV chungchang inzirtirna uar zawka neih a nih zel theihna tura theihtawp chhuah theuh turin a sawm a. Powerpoint Presentation hmangin meeting hnuhnung ber July ni 30, 2026 hnua hmalakna awm tawhte a tarlang a. HIV/AIDS Awareness Campaign khaw hrang hranga neih a nih tawh dan te, HIV/AIDS kaite tehfung 95-95-99 target-a hmasawn ngaihna hrang hrangte ngaihthlak a ni a. Tunhnaia Champhai District-a HIV Screening neihna hmun hrang hranga positive an hmuh dante ngaihthlak niin, tunhnaia mi 1578 test-ah, mi 19 chu confirm tawh niin, 18 te chuan ART an la tawh a ni.

Thutkhawmnaah hian hmalak zel dan tur sawihona hun hman nghal niin, Mass Screening Cum Sensitisation Programme kalpui dan tur an rel a. Thawhkhatnan Sawrkar leh Commercial Driver te, Police, Assam Rifle leh Excise a thawktuteah a hlawma awareness leh screening neih vat theih tura hmalak ni se tih a ni a. Integrated IEC Campaign kalpui zel dan tur rel nghal niin, Champhai District-a khaw 25 tlawh chhuah dan tur an sawiho a, tunah hian Sesih leh Ngur khua tlawh tawh niin, October thla ral hma ngeia khaw tlawh tur la awm te pawh tlawh thuai tura rel nghal bawk a ni