1091/2026-2027

Dated Champhai, 19th June 2026: Vawiin khan DC Conference Hall, Champhaiah January atanga March thla chhunga district chhunga bank hrang hrang hnathawh thlirlet turin District Consultative Committee, District Review Committee leh District Level Security Committee an thukhawm a, Champhai Bawrhsap Pu Mohammad Aaquib chuan a kaihruai.

He hunah hian Chairman Pu Mohammad Aaquib chuan Annual Credit Plan, Champhai District,  2026-27 chu a tlangzarh a, hemi zawh hian SBI Lead District Manager Pu Lawmkima'n chuan Champhai District-a bank atanga sector hrang hranga loan pek an tum zat (target) a sawi a, heng target hi pha ngei turin an infuih bawk. Hemi zawh hian committee chuan agenda an sawi chhunzawm nghal a, invenhimna (security) kawnga an ruahmanna leh inpuahchahna te an sawi a, Champhai Police-in meeting awm leh hmain surprise check nei tawh se tih an rel a ni. Pawisa an kawl dan leh pek chhuah theih dan (cash/currency management leh remittance issues) chungchang an sawi chhunzawm a, Credit Deposit (CD) Ratio chungchang sawiin Champhai bank te loan pek chhuah zat a tam tawk lo a, tan lak theihnaah tan la turin an infuih bawk a ni. 

He hunah RBI leh NABARD atang leh Champhai District hnuaia bank hrang hrang manager bakah line department hrang hrang hotu/aiawh an tel tha hle a ni.