1090/2026-2027

Lunglei, 2026 Nikir thla ni 19: Vawiin khan BDO Conference Hall, Tlabungah Tlabung Sub-Divisional Officer (Sadar)/Block Development Officer Pu Moses Lalfakawma Tlau kaihhruaina hnuaia din Clean Keeping & Progressive Tlabung Committee (CK&PTC)-in June ni 12, 2016-a a buatsaih Tlabung khaw chhunga "YMA Section Fai Ber Inelna" lawmman semna hun hman a ni a. Tlabung khaw chhunga Sawrkar Office hotute, Village Council (VC) leh tlawmngai pawl (NGO) hruaitute leh kohhran hrang hrang puipate nen Tlabung khaw chhung faina kawnga hmasawn zel dan tur sawi ho nghal a ni.

Tlabung SDO(C) Pu Moses Lalfakawma Tlau chuan faina kawnga Tlabung khua leh a chhehvelte hmasawnna hmuh theiha a awm chu lawmawm a tih thu a sawi a. Hmasawn zel turin Tlabung mipuite'n theihna an neih thu sawiin, faina kawnga theih tawp chhuah zel turin mipuite a chah.

He hunah hian endiktute leh pawl hrang hrang ai awhte'n thu an sawi a. Tlabung Branch YMA Cultural Club Committee te'n hnam lam hmuhnawm tak an entir bawk.

Clean Keeping & Progressive Tlabung Committee (CK&PTC)-in a buatsaih Tlabunga "YMA Section Fai Ber Inelna"-ah hian endiktu tura ruatte endikna aṭangin he'ngte hi lawmman dawngte an ni:

1.Pakhatna: Saizahawla Section, Zodin Branch

2.Pahnihna: Zampuimanga Section, Zodin Branch

3.Pathumna: Taitesena Section, Tlabung Branch

Consolation Prize:

(1) Taitesena Section, Chawnpui Branch

(2) Vanapa Section, Chawnpui Branch