1089/2026-2027 

Dated Aizawl, the 19 June, 2026: Vawiin khan Mizoram Lok Sabha MP leh TAC Chairman ni bawk Pu Richard Vanlalhmangaiha kaihhruaiin Telecom Advisory Committee (TAC) chu CWW Conference Hall, MINECO-ah an thukhawm a. Thutkhawmah hian TAC member-te bakah Mizorama BSNL Business Area (BA) aiawh officers-te an tel a ni.

Meeting-ah hian Mizoram Lok Sabha MP Pu Richard Vanlalhmangaiha chuan BSNL hotute chu Mizorama khaw awm zawng zawng thleng pha tura an huang tizau leh an thlen chinte network tha taka thuam turin a chah a. A bik takin Sawrkar laipui hmalakna PM Poshan, VB-G RAM G, NREGA, etc.-te changtlung zawka kalpui a nih theih nana geo-tagging tihchak kawnga Mizoramin hma a sawn theih nana tan la lehzual tura fuihin, project pawimawh tak tak an kalpui mek DBN 4G Saturation Project-te, BOP-BIP Project-te, Indo-Myanmar Project leh a dang tam takte chu theihtawp chhuaha bawhzui zel turin a chah bawk a ni. 

Meeting-ah hian Pu B.P. Meena, General Manager, BSNL Mizoram BA chuan Mizoram chhunga Telecom hmalakna tlangpuite sawizauvin, Telecom hmalakna Phase-IX hnuaiah, Mizorama hmun 111 ah leh 4G Saturation Project hnuaia hmun 30 ahte 4G network bun a ni tih a sawi a. 

Pu B.P. Meena chuan kalkhawmte hnenah hian Sawrkar laipui chuan BharatNet Programme (ABP) hnuaiah thingtlang lama digital connectivity tih chakhna turin chak takin hma a la mek tih a hrilh a. He programme hnuaiah hian Mizorama Gram Panchayats 776 (GPs) te chu optical fibre network hmanga thlunzawm vek an ni dawn tih sawiin, heng OFC-te hi KM 5,600 KM lai awh tura rin a ni tih thukhawmte hi a hrilh bawk.

Meeting-ah hian BSNL hotute chuan tun hnaiah Saitual, Khawzawl leh Champhai district headquarters-ahte Optical Fibre Cable (OFC) connectivity tihzauh belh a ni tih tarlangin, telecom leh broadband service-te thuam that nan Serchhip, Lunglei, Lawngtlai leh Siaha ahte bandwidth capacities tihchak lehzual a nih thu an tarlang bawk.

Pu Biakthianghlima Chenkual, DGm BSNL Mizoram Headquarters chuan lawmthu sawiin thutkhawm hi a tin a ni.