3584/2024-2025
Champhai, December ni 17, 2024: Vawiin khan Champhai SP Office Conference Hall-ah District Crime Review Meeting, 2024 leh Christmas leh Kumthar 2025 lo thleng tu atan inbuatsaihna neih a ni a. He meeting ah hian kum 2023 January atanga December ni 16, 2023 chhung leh January 2024 atanga December ni 16, 2024 thlenga Champhai District chhunga thubuai (case) ziahluh te khaikhina thlirho a ni bawk.
January to December ni 16, 2023 inkarah khan IPC Case 115 leh Non-IPC Case 200 a awm a, a vaiin case 315 ziah luh a ni. January to December ni 16, 2024 chhung khan IPC Case 160 leh Non - IPC Case 224, a vaiin Case 384 ziah luh a ni.
Kum 2023 January atanga December ni 16 chhunga IPC case register zat aiin January atanga December ni 16, 2024 chhunga IPC case register zat hi 45 in a tam zawk a, he mi hun chhunga Non- IPC case registered hi kum 2023 aiin 2024-ah case 24 in a tam bawk a ni.
Kumin 2024 January atanga December ni 16, 2024 thlengin MLP Act hnuaiah case 26 registered a ni a, hemi hun chhunga zu leh a kaihhnawih man te chu :- 1) BEDC- 442.5 litres (2) Beer -8767 litres (3) Fermented Rice -705 litres (4) Soju -853 litres (5) IMFL - 276 litres (6) Local made Liquor - 130 litres (7) Wine/Juice - 446.4 litres a ni a. A hlutna zawng zawng hi cheng nuai cheng nuai 86.85 (₹ 8,685,000) a tling a ni.
Hemi bakah hian January atanga December ni 16, 2024 chhungin ND & PS Act hnuaiah case 172 registered a ni a, ND & PS hnuaia thil man te chu :- 1) Heroin - 47.1186 Kgs -₹ 176,152,030 (2) Methamphetamine - 190.642 Kgs - ₹ 3,429,059,000 (3) Crystal Meth - 34.155 Kgs- ₹ 156,482,600 (4) Ganja - 27 Kgs - ₹ 145,000 te an ni.
Tin, January atanga December ni 16, 2024 chhung hian Areca Nut (Kuhva rah) 9201 bags (652,790 kgs) Rs.89,690,300/- man hu man a ni bawk.
Kumin January atanga November, 2024 chhung hian Traffic dan bawhchhia mi - 663 leh Lirthei - 690 man ni tawhin an sum chawi tlingkhawm hi cheng nuai 7 (₹769,200) a tling bawk.
Kum 2024 Christmas leh Kumthar 2025 vuakvet-a lirtheia chetsualna venhimna kalpui dan tur ruahman ani a. December ni 18, 2024 atangin 'No Tolerance' hman tum a ni a. Hunpui chhung hian Sawrkar khapna thuchhuah uluk taka kenkawh vil zui tum a ni. Champhai Town Area hi zone hnih - Zone I&II a) thenin Gazetted Officer ten an vil ang a, heng zone te hi Sector 20 a thendarh leh in, Sector Officers leh staff dangten an vil zui ang. Dan phalloh Halpuah leh Halmawi chi bakah Silai lem mu nei chí hman leh hal te, Kumtlinglo lirthei khalh leh ruihhlo hman avanga midang tana harsatna siam thei thil reng reng uluk leh zual a vil zui tura ruahman a ni.
