2267/2026-2027

Dated Champhai the 18th September 2026: Govt. Vengthlang Middle School Champhaiah ni hnih awh Science Exhibition, District Level Science Exhibition for Middle School chu ni 17 (Ningani) khan hawnna neih a ni a, vawiin ni 18 (Zirtawpni) hian a kharna leh lawmman semna hun hman a ni.

Nimina Science Exhibition hawnna programme ah hian SDEO Champhai, Pu Lalthlamuana Tochhawng chuan thu a sawi a, DIET Champhaiin naupangte tan an thiamthil pho chhuahna hun ṭha tak an buatsaih chu lawmawm a tiin, Champhai chuan zirna lamah hmasawnna tur tam tak a la neih avangin zirtirtute leh zirlaite an theihtawp chhuah zel turin a sawm a ni.

Lawmman semna hunah hian endiktute leh DIET Principal Dr. H. Lalhruaitluanga hnen aṭangin thusawi ngaihthlak a ni a, Principal chuan National Achievement Survey hnuhnung berah Champhai chu India rama District-ah a hniam pawl an nih thu a sawi a. Chumi siamṭhatna tur chuan District Transformation Programme hnuaiah Project LEAD kaltlanga zirna lama hmasawnna tura hmalakna awm mekte chu a lawmawm a tih thu sawiin, zirna lama hmasawnna tura theihtawp chhuah tlang turin kalkhawmte a sawm a. Pi Vanlaldiki hnen atangin Science Exhibition neih a nih dan report ngaihthlak a ni bawk a ni.

SDEO Champhai leh Principal DIET ten lawmman semna hun an hmang a, DIET Lecturer Dr. C. Lalnunzira'n lawmthu sawina in hun a khar a ni.

Science Exhibition a lawmman dawngtute chu:

First Prize: Waste Materials to Energy - Holy Missions School

Second Prize: Roots to the Rescue - Govt. Comprehensive School, Tuipui

Third Prize: Rice Husks Charcoal Briquettes - PES, Zotlang

Consolation Prize

1. Climate change and Global warming - Govt. Vengthlang M/S

2. Organic Manure - Govt. Vengsang M/S

3. Electric Bell - Holy Cross School

Best Presenter: Lalrinhlui Pachuau - Cornerstone - Human Heart

Interactive Models

1. Green Energy - Hydro Electricity - Cornerstone School New Champhai

2. Volcano Model - Genesaret UP/S New CPI

3. Waste Paper Reusing - Govt. Kanan M/S