1743/2024-2025

Champhai, 26th August 2024: Vawiin chawhnu dar 1:00 PM khan District Level Monitoring Committee (D-MC) for Central Sector Scheme (CSS) ‘Formation and Promotion of 10,000 Farmer Producer Organisations (FPOs) chu Pu VL Remliana, Deputy Commissioner & Chairman, D-MC kaihhruaiin DC Conference Hall-ah an thukhawm. 

Thutkhawm kaihruaitu Pu VL Remliana chuan kalkhawmte inlawmna thu sawiin, kuthnathawktu ten hlawhtlinna an chan theih dan tur chu ngaihpawimawh ber a tul a ni, a ti a.  Mizo khawtlang nun mil leh a hralh chhuahna tur ngaihtuah chunga ruahmanna neih a pawimawh thu a sawi bawk.

Pi H. Lalhmachhuani, DDM Champhai chuan CSS for Formation and Promotion of 10,000 Farmer Producer Organisations FPOs hnuaia inkaihhruaina leh a tum tlangpui te, Farmer Producers Organization (FPO) chungchang leh an hmalak dan tur tlangpuite powerpoint presentation hmangin a sawifiah a. North East Initiative Development Agency (NEIDA) leh Clover Organic Pvt. Ltd te hnen atangin hmalakna an kalpui dan leh an hmachhawp te ngaihthlak a ni bawk.

Vawiin thutkhawmah hian Champhai District-a Central Sector Scheme (CSS) ‘Formation and Promotion of 10,000 Farmer Producer Organisations (FPOs) kalpui tawh dan thlirletna leh hmalak zel dan tur sawihona te neih a ni a. Hei bakah hian Prime Minister Office hnuaia hmalakna ‘100 Days Action Plan’ thil tum pakhat - FPO ten Fertilizer leh Pesticide License an neih theih dan tur te, Open Network for Digital Commerce-a an inziah luh dan tur te bakah GST leh FSSAI Registration an neih theih dan tur te sawiho a ni bawk.

Meeting-ah hian DCO, DHO, DAO, VO, DFDO, DIPRO, LDM, ATMA, Official dangte, NEIDA leh Clover Organic Pvt. Ltd. aiawhte an tel a ni.