5045/2025-2026

Dated Champhai, 30th March 2026 : Champhai District Level Narco Coordination Centre (NCORD) Committee chu vawiin chawhnu dar 3 khan Champhai DC Pu Mohammad Aaquib kaihhruaiin DC Conference Hall, Keifangtlangah an ṭhukhawm.

Ṭhutkhawm kaihruaitu Pu Mohammad Aaquib chuan ṭhutkhawm chhan sawiin Champhai District chhunga ruihhlo dona kawngah, sawrkar thuneitute leh tlawmngai pawl hrang hrang te inkara thawhhona tha tak a awm thin chu lawmawm a tih thu leh chhunzawm zel tul a tih thu a sawi.

Champhai SP Lokeshwaran-R, chuan meeting agenda sawifiahna neiin ruihhlo tawlh leh hman sualna a pung nasa hle a ni, a ti a. District NCORD member te chu ruihhlo dona kawngah theihtawp chhuah awmze nei zawk leh mumal zawka khuahkhirh anih theihna tura ngaihtuahna seng zel turin a chah a ni.

He huna tarlan a nih danin February leh March 2026 chhungin Champhai District Police-ten ND&PS Act, 1985 hnuaiah case 15 an ziaklut a, mi 24 man an ni a, Heroin 1.367 Kgs, Methamphetamine 38.886 kgs, Crystal Meth 10.529 kgs, ruihhlo phurh nana hman lirthei ke li nei pathum(3) leh lirthei ke pahnih nei pathum(3) an man a nih thu an tarlang.

Excise & Narcotics Department Champhai te chuan March, 2026 chhung an hmaklakna tarlangin ND&PS Act, 1985 hnuaiah case 5 ziak lutin mi 2 an man a. Heroin gram 373.530 leh Methamphetamin gram 7.900 an man a, Assam Rifles in March thla chhungin ram dang atanga dan lova cigarette lakluh case 1003 leh Methamphetamin 7.907 kgs an man bawk a ni.

Vawiin meetingah hian line department hrang hrangte hnen atangin ruihhlo dona kawng an hmalakna leh hma chhawp hrang hrangte te ngaihthlak a ni bawk.