5044/2025-2026

Dated Khawzawl, 30th March, 2026 : Vawiin chawhnu dar 1:00 khan DC Conference Hall Khawzawl-ah District Agricultural Marketing Committee (DAMC) te Handholding Scheme, 2024 hnuaia Thlai Thar market chungchangah an Chairman leh Deputy Commisioner ni bawk, Pu K. Vanlalthiana hovin an thukhawm.

Bawrhsap, Pu K. Vanlalthiana chuan Khawzawl District-in thlai thar zinga a buaipui ber chu sawhthing a nih thu sawiin, Sorkar Project a ni tih hriaa theihtawp chhuah turin leh a hralhna leh thil danga harsatna a awm chuan sorkara thlen vat zel turin a hrilh a. A hralh leh buk kawngah fimkhur taka hma la turin a chah bakah Supervisor zawng zawngte chu sawhthing season chhung chu sorkar flagship programme a nih angin mahni hna aia ngaipawimawh turin a chah bawk a ni.

He meetingah hian Khawzawl District chhunga Secondary Collection Centre (SCC) hrang hrang Supervisor-te atangin Sawhthing hralh tawh dan leh stock neih dan report ngaihthlak a nih bakah Supervisor ruatbelh chung chang leh hmalak leh zel dan turte sawiho a ni bawk.