3886/2022-2023
Champhai, the 17th March, 2023: Zirlai naupangte zingah Science leh Mathematics Subject-te chawilar a nih theih nan leh hemi lama tuina nasa zawk pek an nih theih nana hmalakna kaltlangin vawiin khan Samagra Shiksha, Champhai District chuan District Level Science and Mathematics Olympiad 2022-2023 a buatsaih.

District Level Science and Mathematics Olympiad 2022-2023 hi Govt. G.M High Sçhool, Champhai Vengsangah chawhma dar 11 atanga chawhnu dar 1 chhung khan buatsaih niin, Samagra enkawl Sçhool 9 bakah Private School-te 4 a?angtein pawl 6 atanga pawl 9 Zirlai 191 (Class VI - 41, Class VII - 52, Class VIII- 41 leh Class IX -57) an tel a ni.

District Level Science and Mathematics Olympiad result puan leh lawmman semna hun hi March ni 20, 2023 hian Education Training Hall, Kahrawt Vengah neih a ni dawn a. Category pahnih, Elementary leh Secondary-a then niin, pakhatna atanga pathumna thleng hian lawmman pek an ni dawn a. Lawmman hetiang hian siam sak an ni ang:

Pakhatna: Rs 5,000/- and Certificate
Pahnihna: Rs 3,000/- and Certificate
Pathumna: Rs 2,000/- and Certificate

Heng bakah hian palina atanga sawmna thleng lawmman Rs 500/- theuh pek an nih dawn bakah School tel zawng zawngte participation certificate pek an ni dawn bawk.