Vawiin khan Champhai DC Office Chamber-ah District Swachh Bharat Mission (Gramin) Committee chu an Chairman Champhai Bawrhsap Pu H. Lalengmawia hovin an thukhawm. He meeting-ah hian district chhunga thingtlang khaw hrang hranga ek in neilo emaw nei thalo te tan he mission hnuaia siam sak emaw siam thar sak dan emaw ngaihtuah ho a nih bakah Kelkanga Solid Waste Management kalpui dan tur leh Community Sanitary Complex sak dan tur rel a ni.

He thutkhawmah hian Chairman chuan ram fai leh hrisel siam tura hna kan thawhna ah hian a thawktu leh mawhphurtu sorkar hnathawkte leh khawtlang mipui - a te ber atanga a lian ber thlengin rinawmna nen thianghlim taka kan thawh tlan a pawimawh a tih thu a sawi a ni.

Champhai District (rural area) chhungah hian chhungkua inthiarna mumal neilo 821 awm anga chhut a ni a. Indira Awaas Yojana nena kal kawpa hmalak tum a ni a. Kelkang Biak In bulah Biakin bulah Community Sanitary Complex pali (4) siam tura hmalak mek a ni a; Bawlhhlawh hal ralna tur (incinerator) hmun li (4) a siam tura ruahman a ni a. Hemi bakah hian khaw daiah bawlhhlawh paihna hmun bik siam tura hma lak mek a ni bawk.

District Swachh Bharat Mission (Gramin) Committee-ah hian PHE Superintending Engineer chu Vice Chairman niin, Executive Engineer chu member Secretary a ni a. Member-ah hian district chhunga MLA, DEO, EE (Khawzawl), CMO, DLAO, DSWO (E), DAO, Project Director (DRDA) leh DIPRO-te an ni a. Vawiin meeting-ah hian member-te hi an tel thahnem hle a, member bakah Sub-Hqtr YMA atangin an president a tel bawk a ni.