No.2640/2021-2022

Aizawl, 18th October, 2021: District Task Force for Immunization (DTFI), Champhai District chu vawiin chawhnu khan Addl. DC  Pu Henry C.Lalrawnkima kaihruaiin DC Conference Hall-ah an thukhawm.

Pu Henry C.Lalrawnkima chuan hri danna pek chhuak kawnga tanlak ngaihna lai hrang hrangte sawiin, hri danna hrang hrangte tam leh chak zawka pekchhuah a nih theih nana  tan la turin member-te a chah a ni.

CMO Dr. R Lianmawia hnen atangin vaccine pek dan ngaihthlak a ni a. Nausen pianghlim, nau pai leh nausen thla ruk chin chunglamte hri danna pek a nih dan a tarlang bawk.

Thukhawm chuan Covid-19 vaccine la la lo te'n an lak vek theihna tura hmalak chhunzawm zel nise a ti a. Vaccine la lo zawn chhuah leh data mumal zawk vawn a nih thehna tura theihtawp chhuah tha tih a ni a. Hri danna lak that zia leh lak loh a pawizia tarlanna kimchang statistics tih chhuah thin nise tihte an rel a ni.

Covid-19 hri danna lak pawimawhzia pawh sawi lan a ni a. Tuna DCHC a hri kai natna langchhuak enkawl ngaite zinga a tam zawk chu hri danna la lo an nih thu leh tun hnaia hri kai hmuh chhuah za zela 45 te chu kum 18 hnuai lam hri danna la lote an nih thu sawilan a ni bawk.