1300/2026-2027

Dated Champhai, 4th July 2026: Special Intensive Revision 2026 neih mekah vawiin khan Champhai District chhunga Assembly Constituency pathum – 23-Champhai North, 24-Champhai South leh 25-East Tuipui A/C te tana Draft Electoral Roll chu District Election Officer, Bawrhsap Pu Mohammad Aaquib chuan a tlangzarh a. Draft Electoral Roll copy hi mipui a duh apiang te tana en theih turin CEO Mizoram leh DEO Champhai website ah tarlan a ni a, hei bakah Registered Political Party, bialtu ERO, AERO leh BLO te hnenah pek chhuah a ni bawk a ni.

District Election Officer Pu Mohammad Aaquib chuan Special Intensive Revision kalpui dan hrang hrang te sawiin Enumeration Phase chhunga hna pawimawh tak tak thawk zawng zawng - ERO leh AERO te, BLO te, political party te, election office te leh midang thawk hah dang tam tak chungah lawmthu a sawi a, claims & objections chhung pawha tha taka thawhpui zel turin a sawm a ni. Election Officer Pu Ngulzathuama Draft Electoral Roll chungchang hriattur pawimawh a sawi bawk.

Vawiina tlangzarh tak Draft Electoral Roll-ah hian voter 56,412 an awm a. Vote tamna ber 24- Champhai South ah voter 24106 (mipa 10171 leh hmeichhia 11235) awmin,  Champhai North ah voter 19566 (9949 leh hmeichhia 10117) leh East Tuipui-ah voter 15440 (mipa 7789 leh hmeichhia) 7651 an awm thung a ni. Hei bakah hian Champhai North ah Service Voter mi 124 (mipa vek), Champhai South ah service voter mi 143 (mipa 141 leh hmeichhia 2) leh East Tuipui ah Service voter mi 108 (mipa 107 leh hmeichhia 1) an awm bawk a, District pumpuiah Service Voter 375 an awm a ni. Special Intensive Revision kalpui anih tirh khan Champhai District chhunga vote nei zawng zawng mi 58,846 te tan Enumeration Form sem chhuah a ni a. Amaherawhchu, chhan hrang hrang (thihna, chenna hmun sawn, chhui chhuah theih tawh loh, Roll a chuang nawn, roll a chuang duh tawh lo), an form khawn let theih tawh loh hi voter 2434 awmin,  Champhai South ah voter 1037 (4.62%), Champhai North ah voter 869 (4.25%) leh East Tuipui ah voter 528 (3.31%) te an ni. Heng chhan hrang hrang avanga form lak let theih loh, draft roll a chuang ve ta lo te hi Booth Level tinah BLO kaihhruaina hnuaiah VC, tlawmngai pawl leh Political Party tin aiawh te telna Booth Level Standing Committee te kaihhruaina hnuaiah uluk taka thlirho niin, dik, felfai leh langtlang taka engkim hi kalpui a ni.

He hun chhung hian Polling Station siam remna (rationalisation) pawh kalpui nghal a ni a. Champhai South ah Polling Station thar panga leh East Tuipui ah Polling Station pakhat siam thar a ni. Chungte chu Venglai –III, Electric Veng II, Bethel III, Bethel IV, Champhai Vengthar II leh Khuangleng II te an ni.

Draft Roll a chuang lo, luh thar dil duh emaw, paih duh nei emaw, siam that ngai nei te tan vawiin (July ni 4, 2026) atang hian hun hawn tan a ni a. August ni 4, 2026 thleng dilna thehluh hun hi hawn a ni ang. Dilna hi bialtu BLO te kaltlangin thehluh tur a ni a, ERO & AERO ten an ngaihtuah ang a, dilna (claims & objections) lut te hi kartin mipuite hriatturin tar chhuah thin a ni dawn a ni.  Heng dilna lut te hi ERO& AERO ten an ching fel ang a, an thutlukna a lungawi lo te chuan Section 24(a) of RP Act 1950 leh Section 27 of RER 1960 in a tarlan angin, District Magistrate hnenah an appeal thei ang a. District Magistrate thutlukna a lungawi lo te chuan Section 24(b) of RP Act 1950 leh Section 27 of RER 1960 in a tarlan angina, thutlukna siam  anih atanga ni 30 chhungin Chief Electoral Officer hnenah ngenna an thlen thei ang.

Hun tiam chhunga dilna lut te hi July ni 5, 2026 atangin September ni 2, 2026 thleng chinfelna hun hawn a ni dawn a. Final Roll hi September ni 5, 2026 ah tarchhuah tur a ni ang.