Vawiin khan MLA Election 2018 atana venhim hna rawn thawktu tur Central Armed Police Forces (CAPF) te lo dawnsawn dan tur leh inthlan vuakvet chhunga an awm lailawkna turte DC Pisa-ah rel a ni a. He hun hi District Election Officer Dr. Naveen Aggarwal, IAS chuan a kaihruai a ni.

Venhim hna thawkturte thlenna hmun atan SP Office Champhaiin a lo endik Polytechnic Building, Tlangsam chu ruahman a ni a. Electric eng leh tui supply tha taka pek anih theihna tura ruahmanna siam PHE Department leh P&E Department hotute hnen atanga ngaihthlak a ni a. Eng leh tui pek hna chu a rang thei ang bera tan thuai nise meeting chuan a ti a. Senso ngai leh thil tul dangte pawh sawiho niin tha taka lo inbuatsaih nise tih a ni.

Meeting-ah hian Pu Lalthiamsanga Sailo, SP Champhai leh Line Department hrang hranga hotute an tel a. Meeting  zawh hnu hian Polytechnic Building a hmuna enfiahna Pu Lalremruata Kullai, Election Officer, Pu Lalengliana Chhangte, DSP, Hqtrs. Liason Officer for CAPF leh Dr Lallawmkima, DIPRO Champhaite chuan an nei nghal a ni.