Vawiin khan DC Conference Hall, Mamit-ah Pu Bhupesh Chaudhary IAS, District Bawrhsap,  hovin kumin 2018-a Mamit Bazar venga neih tak, NLUP Kutpui( Fair Cum Exibition) thlirletna hun hman a ni.

District Bawrhsap chuan NLUP Kutpui hlawhtlin nana tha leh zung thawhtu Line Department te leh a tlawhtu mipuite chungah lawmthu a sawi a, DC office an buai avangin duh anga review meeting neih vat ani lo chu hriatthiamna a ngen bawk.Duhthusam tawklo leh felfai tawklo awmah te NLUP Kutpui hman leh hun atan rawtna awmte Line Department te chu thehlut turin a sawm bawk a ni.

Kum 2018 NLUP Kutpui (Fair cum Exibition) Mamit-a neih tak hi Mizoram District zawng zawnga, a hnuhnung ber atan Mamit District ah hman a ni a. Kut hawnna hi Pu JH Rothuama, Chairman NIB chuan neiin Kut kharna hi Pu Lalrobiaka. MLA Chairman ZIDCO chuan a hmanpui bawk a ni

Vawiin review meeting-ah hian NLUP kutpuia senso leh Line Department te'n man tlawm zawka an thil hralhna(subsidy) te chu ennawn a, a rang theia bera DC Office-a thehlut turin Line Department te tih an ni   bawk.

Tarlan tawh angin kumin Mamit-a hman tak NLUP Kutpui(Fair cum Exibition)ah hian Line Department hrang hrangte chuan an thil tharchhuah/siamchhuahte Beneficiaries kaltlangin mipuite tan man tlawm zawka lei theihin an phochhuak a ni.

Meeting-ah hian NLUP Line Department hrang hrangte bakah NLUP Media Officer te an tel a ni.