1365/2026-2027

Dated Champhai, 10th July 2026: Employees’ State Insurance Corporation (ESIC) Ministry of Labour Employment, Govt. of India hnuaia Statutory body chuan vawiin khan Awareness cum Free Health Check-up Camp, Dispensary cum Branch Office (DCBO), New Champhaiah buatsaih a ni.

He hun hi Pu David Lalfakzuala Aide-de-Camp cum Liaison Officer Aizawl, Mizoram chuan kaihruaiin, Employees’ State Insurance Corporation (ESIC) Act. in a thiltum tlangpui leh he mi hnuaia hamthatna awm thei hrang hrang a lem nen entirin a sawifiah a, he scheme hnuaia inziahluh theih dan te a tarlang bawk. Mipui kalkhawmte atanga zawhna awmte a chhang nghal a ni.

Free Health Clinic Check-up Camp ah hian Employees' State Insurance Corporation hnuaia Doctor leh Nurse te chuan dam lo leh hriselna endik hrim hrim duha kalte chu an hriselna an endik sak a ni.

ESIC hi sorkar laipui chuan an Notification a chhuah hmangin Employees’ State Insurance (ESI) Act chu Mizoram District zawng zawngah kalpui a ni a, Champhai district huam chhungah pawh April ni 1, 2026 atang khan kalpui tan a ni. ESIC, hnathawktute ESI Act 1948 ah hian damlohna/bawrhsawmna

(Sickness) lakahte, nau neih (Maternity) avangin emaw, hliam avanga hnathawk theilo

(Disablement) leh a hna thawhna avanga nunna chan a nih chuan, amah rin chhana khawsa (Dependents) ten a in zata in sem turin monthly pension an hmu ang.

Hnathawktute leh a chhungte chu Medical Treatment a thlawna pek vek an ni bawk dawn a ni. ESI Scheme chuan sumdawnna hrang hrang - Road Transport, Hotels & Restaurants, Cinemas, Newspaper, Shop, Educational/Medical Institution

etc., leh an hnathawktu 10 (sawm) emaw a aia tam chhawr reng rengte chu a huam vek a, hnathawktu thlakhata Rs.21,000/- leh a aia tlem hlawhte tan he hamthatna hi neih theih a ni.

ESI Act hnuaia in register hnu hian 0.75% Employees share (hnathawktute hlawh atangin) leh 3.25% Employer share (Chhawrtute lam atangin) Total —4% thlatin chhun tur a ni a, ESI Act hnuaia inziahluh hi mimal emaw sumdawngtute emaw duhthlanna (Optional) ni lovin, Sawrkar laipuiin tih ngei tura dan a zam hnan tawh (statutory Obligation) anih avang leh hamthatna dawn tur tam tak a awm avangin sumdawngte leh an mi chhawrten ngai pawimawh a, inziahluh ngei tur a ni.

ESI Scheme hnuaia hamthatna leh hlawkna awmte chu hetiang hi a ni. Sicknes Benefit, Extended Sickness Benefit, Enhance Sickness Benefit, Medical Benefit, Disablement Benefit, Temporary Disablement Benefit, Permanent Disablement Benefit, Dependents' Benefit, Maternity Benefit, Confinement Expenses, Funeral Expenses, Rajiv Gandhi Slaramik KalyanaYojana (RGSKY),Unemployment Allowance, Covid Relief Scheme(CRS), Ata1Beemit Vyakti KalyanYojna (ABVKY), MBBS Quota for ward of IP leh Medical Benefit for Superannuated IPs (Rule60/61) te an ni