Vawiin chawhnu khan Champhai DC Office Strong room-a M2 BEL Electronic Voting Machine (EVM) kawllai, Bihar MLA election 2019 a hman tura tihte lakchhuahna, endikna leh inhlanna hun Dr. Naveen Aggarwal, Champhai District Election Officer hova neih a ni a. Joint Chief Electoral Officer, Mizoram thupek angin EVM-te hi Bihar State-a thawn tur a ni a, EVM thawnchhuah tur 390; Ballot Unit 196 leh Control Unit 194-te Bar Code hi August Ni 17, 2018 khan Scan vek niin enfiah a lo ni tawh a. Heng EVM te hi venhimna hnuaiah zanin hian Aizawl panpui a ni.

EVM thawnchhuah takte hi Bharat Electronics Limited (BEL) siam niin, Kum 2013 MLA Election a hman a ni a. Kan hmalawk Mizoram MLA inthlanpui huna Champhai District-a Polling Station 137 a hman tur erawh chu Electronics Corporation of India Limited (ECIL) siam, a thar hlak  Ballot Unit 205, Control Unit 183 leh VVPAT 182 a ni ve thung dawn a, tunah hian Champhai DC Office Complex-a Warehouse-ah dah that vek a ni a. ECIL EVM endikna hmasa ber First Level Checking chu tun thla tawp August Ni 29-31, 2018 chhung hian ECIL Engineer, Champhai District Election Official leh Political party aiawhte’n an nei dawn a ni.

EVM endikna hunah hian DC Office Election Branch Staff, Security Personel leh Political party aiawhte an tel a ni.