Vawiin chawhnu khan kumin Lok Sabha inthlan huna hman tur EVM khawlte semrualna hmasa ber First Randomization of EVM chu NIC Conference Hall, DC Office-ah neih a ni.

EVM semrual hna hi Champhai District Election Officer Dr Naveen Aggarwal hova neih a ni a. Political Party aiawha kalkhawmte hnenah Pu Alan Lalthanzara, Election Officer Champhaiin EVM khawl semrual dan tur a sawifiah hmasa a. Hemi hnu hian Computer hmangin Champhai District chhunga Assembly Constituency panga a hman tur EVM khawl Control Unit (CU) 211, Ballot Unit (BU) 211 leh VVPAT 204 te chu semrual a ni a. Heng  EVM semrual takah te hian Polling Sttaion tina hman tur bakah reserve a tel tura tihte  a huam tel a ni.

EVM khawl semrualna hi Political Party aiawh tinten an hming an ziah hnan hnuah a copy chhutchhuahsa an hnenah hian pek a ni. Naktuk chawhma dar 11 ah heng EVM khawlte hi Strong Room-ah dahluh  tur a ni ang.