Vawiin khan General Observer Pu Debashis Das kaihhruaina hnuaiah Champhai District chhunga A/C 5 huama hman tur inthlanna hmanrua (EVM) te computer hmanga semrualna NIC Conference Hall-ah neih a ni.

District Election Officer Pu Lalremruata Kullai chuan Champhai DC Strong room a dah that BU CU leh VVPAT zingah A/C 5-ah BU 212, CU 224 leh VVPAT 214 te chu semrual (randomise) tur anih thu tarlangin, Strong room 5-ah heng inthlanna hmanruate hi dah that nghal anih tur thu a sawi a. Heng Strong room-te hi Champhai DC Comlplex chhung DPRC (District Panchayati Raj Resource Centre) building-ah 2, DRDA buildingah 2 leh DC Pisa-ah pakhat siam a ni a.  DC Main Strong room a EVM awm mek zingah Mock Poll a hman EVM 11 leh EVM awm zawng zawng atanga 3% reserve bak chu random vek anih thu Pu Lalremruata Kullai chuan a sawi bawk.

Champhai DEO Dr. Naveen Aggarwal-a chuan Computer hmangin A/C tina hman turte a sem a. Champhai District A/C 5 a hman tur EVM ruahmanfel anih veleh vawiin khan a dahna tur bik ruahmansa (Strongroom)-ah dahfel nghal vek a ni.

DPRC building Strong room-ah hian 22- Tuichang A/C leh 25-East Tuipui A/C a hman tur EVM te dahluh a niin,  DRDA builing Strong room-ah 21-Lengteng A/C leh 23-Champhai North A/C a hman tur EVM te dahluh anih bakah DC Office Strong room-ah 24-Champhai South A/C a hman tur EVM te dahluh a ni a.  21-Lengteng A/C-ah BU-42,  CU-44 leh VVPAT-43 hman tura tih niin,  22-Tuichang A/C-ah BU-40,  CU-42 leh VVPAT-40 hman tura ruahman a ni a,  23-Champhai North A/C-ah BU-46,  CU-49 leh VVPAT-46 hman tura tih a ni a,  24-Champhai South A/C tan BU-39, CU-41 leh VVPAT-39 hman tura ruahman a niin,  25-East Tuipui A/C-ah BU-45,  CU-47 leh VVPAT-45 ruahman a ni bawk.

Inthlanna hmanrua (EVM) semrual (randomise) anih lai hian RO leh ARO te bakah Political Party hrang hrang aiawhte leh Media mite an tel a.

Strong Room a EVM te dahfel anih hnu hian Political Party tinte awmlaiin chhinchhiahna nemkai a kawngka-te kalh thlap a ni.