Vawiin khan  Sub Hqrs YMA, Champhai leh UD&PA Champhai hmalakna a thuthmun YMA Branch 25  ten naktuk June Ni 5, 2019 (Nilaini) a  fai hnatlang an neih  tur chungchang relin Sub-Hqrs YMA Office, Tlangrawtah inrawnkhawmna neih a ni. Naktuk Fai hnatlang koh hmang hian Champhai khawpui leh a chhehvel a luikawr hrang hrang, Champhai khawpui chawmtu Tuipui lui fintute chu thenfai tum a ni.

He hunah hian Pu K. Lalhmuakliana MCS, DUDO Champhai chuan  khawvel thang zelah nitina kan mamawh phuhrukna ni tawh  Plastic kaihhnawih kan hman duh tawh lo te kan paih danah kan fimkhur a tul hle a ni, a ti a. Polythene leh Plastic kan duh tawh lo te khawlai, kawr leh a remchang lai apianga kan paih mai mai thin hian kan ram leilung tan chhiatna nasa tak a thlen thei a, leimin hlauhawm tak tak a siam phah a, nunna chan pawh tam tak an awm phah tawh avangin paihna tur hmunah chauh paih thin hi kan intihhmuh a ngai a ni a ti bawk. DUDO Champhai chuan hetianga Champhai  tui lakna hnar ber tihfai a nih theihna tura SYMA-in bengvar chhuaha UD&PA   sawm nachang an hria chu lawmawm a tih thu a tarlang bawk a ni. 

Meeting  Pu Vanlalchhana Hmar, Chairman, Health & Sanitation Sub-Committee, SYMA kaihhruainaa neihah hian Pu VL Chama Hnamte, President SYMA Champhai chuan  thusawiin Fai hi hriselna a ni a, hrisel chu hausakna bul a ni, a ti a. Hrisel loh vanga Damdawi leina leh  inenkawlna tura sum leh pai sen tam tak  fail eh thianghlimna hmnga pimpelh theih anih tu a sawi a.   Khawtlang alo fai a, a lo thinghlim theihna tura fai hnatlang neih turah  thahnem ngai taka YMA member tinte khawrh chhuak turin kalkhawmte chu a sawm a. Mipuite pawhin an phak ang tawk a faina ngai pawimawh a, tibaltu emaw, tibawlhhlawhtu emaw ni lo turin Champhai mipuite a sawm nghal a ni. 

Naktuk June Ni 5, 2019 (Nilaini) zing dar 9 ah SYMA hnuaia Branch hrang hrangte chuan anmahni branch theuhin remchang an tihna hmunah theuh innghak khawmin hnatlanna hmun tur hi an pan dawn a, hnatlang a chhuakte ei in leh senso ngaite chu SYMA Champhai leh UD&PA Department ten an tum dawn a, fai hnatlanga tel theuh tum turin Champhai mipuite an sawm a ni.