3888/2022-2023
Champhai the 17th March, 2023: Deputy Commissioner's Office, Champhai ruahmannain vawiin khan Champhaiah faina hnatlang buatsaih a ni.

Faina hnatlangah hian DC Office, DUDO Office, DLAO Office leh DIPRO Office-a thawktute telin mi 60 vel an thawk chhuak thei a. Champhai atanga Zokhawthar panna World Bank Road leh a chhehvela hnawmhnawkte chhar faiin an hnatlang a. Faina hnatlang hian Ruantlang atanga Mualkawi khaw luh dawn thleng an thianfai a ni.

Heng bakah hnawm paihna tura ruat ni lova hnawm paih an awm leh awm lohte enfiah nghal a ni bawk a. Kawngpui kam kawr ruama hnawm paih man chhuah mi 7 te chu Champhai Solid Waste Management Bye Laws 2020 hmanga hrem tura tih an ni bawk.

Faina kawnga hmasawn tura theihtawp chhuah mek a nih laia dan lova duh duhna laia hnawm paih an awm thin avangin an chungah dan anga hremna lek kawh zel tum a ni a. Mipuite khawpui fai leh thianghlim siam kawngah theihtawp chhuaha tawiawm tlat turin District Administration chuan a sawm a ni.