Vawiin chawhnu khan Champhaiah Filling Station thar RD Filling Station tih chu Pu R.Vanlalena, Addl. District & Session Judge Champhai chuan a mamawhtu apiangte hman theih turin a hawng.

Pu R.Vanlalena  chuan Champhaia Filling Station thar hawn ani leh ta chu District mipuite tana ni chhinchhiah tlak tak a ni, a ti a. Champhai chu District lian leh mipui tamna hmun anih avangin filling station thar hawn a ni leh chuan Diesel leh Petrol mamawh a phuhruk thei dawn thu a sawi a. Filling Station chuan Petrol leh Diesel dan lo anga zawrhchhuahna a ti tlem anga, ram leh hnam humhalh kawngah pawh kawngro a su thei dawn a ni, a ti a. Additional District & Session Judge chuan danlo anga thil ti a bik takin ruihhlo leh a kaihhnawih dona kawngah khawtlang tan rual angaih thu sawiin, hrem ngaiten hremna an hmuh ngei theihna turin hriatpuitu a din hrehlo tur leh a tul anga roreltute tawiawm thin turin a chah a. Thuneitu leh roreltute tawiawmna a that loh chuan thil tisualtute chu hrem lohin an put chhuak leh mai thin a ni, a ti a. Champhai leh a chhehvel hmun mawi tak chu neitu thinlung pu chunga humhalh a tul tak zet thu sawiin, ram ngaw leh nungchte pawh tun aia nasa a venhim angai tawh a, nungcha leh ram ngaw humhalh tlattu chu tunlai chhanah Pasaltha an ni, a ti bawk. RD Filling Station chu a mamawh apaingtena tangkai taka an chhawr theih turin duhsakna hlan chungin a hawng a ni.

Filling Station thar hawnna hun hi Pu PC Lalrawnliana, JE, P&E chuan kaihruaiin Upa PC Vanlalliana’n  Pathian hnenah a hlan a. Pu Lalnundanga, Inspector, Legal Metrology Department-in Petrol leh Diesel endikna kalpui anih dan leh Chemical awmte sawi zauna a nei a. Filling Station thara Petrol leh Diesel-te Quality, Quantity leh Underground Density-te pawh Petroleum Control Order zulzuia endik thin anih tur thu a sawi a. Pu P.Lalrinawma, Deputy Commissioner of State Tax, Pu R.Dengkhuma leh Pu C.Lalngura, President, District Consumer Forum, Champhai-ten thu an sawi bawk a. Pu C.Vanlalhmuaka, Owner, RD Filling Station-in lawmthu sawiin hun a khar a ni. Vawiina hawn tak nen hian tun dinhmunah Champhaiah Filling Station pathum a awm mek a ni.