1954/2025-2026

Champhai, dated 2nd June 2025: Vawiin khan District Fisheries Development Office (DFDO), Champhai buatsaih SC/ST beneficiaries 2025-2026 tan ni khat awh “One-Day Awareness/Workshop” NFDB, Regional Centre Guwahati kaltlangin I&PR Auditorium, Chanem Building, Champhaiah neih a ni a, Pi Lalremsangpuii, DFDO in training hi a kaihruai a ni.

DFDO Pi Lalremsangpuii chuan Champhai sangha tui bik zia hi miten an hre lar tan a, chumi kawngah chuan Champhai sangha khawituten tam zawk tharchhuaka District pawn lamah pawh thawn chhuak thei tur khawpa tan la turin a chah a, tanpuina an dawn te rinawm taka hmang turin a chah a, sum hman a nih dan te uluk takin DFDO lam pawhin an kalpui tur thu a sawi bawk. Sangha khawitute chu NFDP registration a in register vek tura chahin harsatna an neih te Department te hrilhhriaa anmahni tanpui tura an inhawn reng thu a sawi. Training a lo kal zawng zawng ten hlawkpui ngei turin duhsakna a hlan bawk a ni.

He Training ah hian Pu Lalchhuanawma, AFO chuan Indian Major Carp sangha khawi dan leh enkawl dan a ziritir a, Pu Lalmalsawma AFO chuan Biofloc Management leh Sangha Natna enkawl dan zirtirna a pe bawk. Fisheries Department scheme hrang hrang PM-MKSSY, GIAS, NFDP, FIDF, PMMSY leh KCC te hmalak dan tur leh an tangkaipui theih dan turte sawifiah niin chiang zawka sangha khawitute'n central atanga hamthatna an neih thei dan turte zirtirna pek a ni bawk.

Vawiin training-ah hian Champhai District chhunga sangha khawitu mi 58 teliin heng mi te hnenah hian sangha note khawina siamna tur tanpuina PMMSY 2023-2024 sum fai cheng 75600/- theuh pek an ni a, he tanpuina sum fai hi avaiin cheng nuai 43,84,800/- a ni.