1955/2025-2026

Dated : Mamit the 2nd of September, 2025 : Vawiin khan 2-Dampa(ST) AC bial By-Election lo awm tur atana Special Summary Revision of Photo Electoral Roll, 2025 chu kalpui mek niin, vawiin khan Draft Electoral Roll chu Pu K.Laltlawmlova, District Election Officer chuan a tlangzarh.

Pu K.Laltlawmlova chuan Roll felfai leh tha chu inthlanna thianghlim leh muanawm tak kalpuina tura thil tul leh pawimawh a ni a, 2-Dampa bial By-Election kan hmachhawn tur atana Draft Electoral Roll tlangzarh takah roll a chuang tur ngei chuanglote, boral tawh hming paih ngai awmte leh hmundanga pem/vote nei tawhte pawh inenfelna hun hawn chhungah bialchhung mipuite ngaihven tha tura chahin, hemi hun chhungah hian Election Officials, Political Party, thutharthehdarhtute leh tlawmngaipawlte a theihna zawn theuha thawhpui turin a sawm bawk.

Draft Roll tlangzarh takah hian hming thunluh ngai, paih ngai leh siamthat ngaite tan dilna hun 02.09.2025 - 17.09.2025 chhung hun hawn a ni a, dilna lutte hi ERO/AERO te'n enfiahin, Ni 25th September hmaa chinfel hman tur a ni a, Ni 30th September, 2025 ah Final Roll Publish a ni ang.

2- Dampa(ST) AC huam chhungah hian Polling Station 41 awmin Voters 20405 an awm a, mipa 10425 niin hmeichhia 9980 an ni. Sex Ratio hi 957 a ni. Dampa AC huam chhunga Voters tlemna ber chu 2/12 Zopui Polling Station niin Voters 38 an awm a, 2/17 Silsury Polling Station niin Voters 1089 an awm mek a ni. Service Voters hi 115 an awm bawk.

Vawiin 2-Dampa (ST) AC Draft Electoral Roll tlangzarh tak chungchang hi thutharthehdarhtute hmaah Pu K.Laltlawmlova, District Election Officer chuan sawizauna a nei a, Draft Electoral Roll tlangzarh hard copy hi Political Party aiawhte hnenah District Election Officer hian a hlan nghal a ni.

Vawiin Draft Electoral Roll tlangzarhna hunah Election Officials, Political Party aiawhte leh thutharthehdarhtute a tel a ni.