International Fund for Agriculture Deprtment) hnuaia Agriculture leh a kaihhnawih department hrang hrangte thawhhona programme ‘Fostering Climate Resilient Upland Farming System in the North East, FOCUS ti a sawi khuhhawnna leh hemi chungchang inhrilhhriatna hun chu vawiin khan I&PR Auditorium, CHANEM-ah neih a ni. FOCUS programme hmang hian Agriculture leh line department dangten thawhhona changtlung tak an nei dawn a, ei leh bar lama intodelhna leh hmasawnna thlen ngei tura hmalak tum a ni.

Vawiin hun hi Pu James Vanlalluaia, District Agriculture Officer (DAO) Champhai chuan a kaihruai a, Nl Laldinsangi, Project Assistant-in hunserh a hmangin Pu Lalremmawia Colney, SMS (RS) leh Pi Hmangaihzuali, Deputy Director, Horticulture Department-te hnen atangin thusawi ngaihthlak a ni a. Pi Lalzarzovi, AEO-in Champhai District FOCUS hnuaia hmalakna tur  khua 104 te  a puang a ni.

He hunah Project inhrilhhriatnate neih ani bawk a. Baseline Survey chungchang Pu H.Lalkima, AEO-in a sawifiah a. Pu Malsawmdawngliana, Circle Staff, Khuangleng-in Project Implementation Manual a sem a, Pu Lalchharliana, SDAO Khawzawl Sub-Division-in Kawlkulh Circle hnuaia hmalakna leh Staff neih dante a sawi a. Hemi hnu hian zawhna leh chhanna hunte hman a nih hnuin he hun hi Pu VL Buanga, AEO-in lawmthu sawina hun hmangin a khar a ni.

FOCUS thil tum ber chu thinglang loneih dan tha zawk inkawhhmuhte, Loneitute tharchhuah man man zawka sawngbawl dan leh hralhchhuahna ngaihtuah sak bakah  Agricultrure tungnung thei tura hmalak a ni. FOCUS Champhai hnuaiah hian Staff lak thar Mi 72 an awm a. Village Level Worker (VLW) 54, Assistant Manager 2, Project Assistant 2 leh Technical Officer 4 leh Staff at Circle 10 te an awm dawn a ni.

FOCUS Champhai hnuaiah hian hmalakna tura thlan khua 104  enkawltu bik theuh VLW-te leh Staff at Circle ten khaw chanpual bik neiin an insem nghal a. He hunah hian Agriculture and Line Department a hotute, ATMA thawktute leh KVK Khawzawl Scientist-ten an hmanpui a ni.