2435/2023-2024

Champhai the 23rd October, 2023 – Champhai District-a Mizoram Assembly Election, 2023 vil tura Election Commission of India ina a ruat Observer-te hovin vawiin khan DC Conference Hall, Keifangtlang-ah meeting neih a ni. Champhai District Observer-te hi 23 Champhai North AC, leh 24 Champhai South AC General Observer Dr Ranjit Kumar Singh, IAS; 25 East Tuipui AC General Observer Pu Sanjay Kumar, IAS; Champhai District Expenditure Observer Pu Abhishek J Jain; leh Champhai District Police Observer Pu Sukesh Kumar Jain, IPS te an ni.

Meeting hi Champhai DC&DEO Pu James Lalrinchhana’n kaihruaiin, Champhai District-a Election Nodal Officer 17-te an tel a ni. Nodal Officer-te hi Champhai DC office-a officers-te leh DRDO, Police, P&E, PHE, PWD, H&FW, RD, UD&PA, Transport, leh I&PR hnuaia officer-te an ni a. Champhai District-ah election tluang leh felfai taka kalpui anih theihna tura inpuahchah tul hrang hrang – candidate-te sum hman chungchang; polling station a tui, electric current-te; inkalpawhna kawng tha ruahman; duty tur te training pek; media chungchanga mumal taka inkaihhruai, EVM; Postal Ballot; Dan leh thupek kenkawh; leh tul dang pawimawhte heng Nodal officer-te hian an buaipui a ni. Nodal Officer-te hian anmahni zawn theuha hmalakna kal mekte report an pe a ni.

Observer-te hian Champhai District inpuahchahna tha an tih thu sawiin, Election hlawhtling taka neih anih theihnan official-te chu theihtawp chhuah chhunzawm turin an chah a ni.