2436/2023-2024

Khawzawl, 23rd October 2023: Vawiin khan 22-Tuichang (ST) Assembly Constituency General Observer Pu Amit Singh Bansal hovin Khawzawl DC Election Branch-ah Polling Official 2nd Randomisation neih a ni. He hunah hian Khawzawl DEO Pu K. Lalrohlua leh Election Officer Pu Timothy R. Lalhmangaiha te an tel bawk.

2nd Randomisation-ah hian 1st Randomisation-a Polling Official ni tura computer-in a thlan chhuah (randomise) te chu an Constituency leh an thawhpui tur (team) thlanchhuah a ni a. Khawzawl huamchhungah chuan Constituency pakhat - Tuichang AC chauh a awm avangin 2nd randomisation hian Polling Official te team awmna tur a tichiang a; 3rd randomisation November ni 5 a neih turah hian Polling Officials te duty-na tur Polling Station tih fel a ni ang.